الخطوات
- 1
اول حاجه بتغلي اللبن و تسيبيه يبرد يبقي فاتر كده اوعي يكون سخن او بارد
- 2
علبة الزبادي تكون نفس درجه حرره المطبخ يعني متبقاش ساقعه دول اهم نقطتين لو اللبن بارد او سخن او الزبادي ساقعه ممكن ميربطش معاكي او يسقط لتحت و يبقي ميه
- 3
دي بقي نقطه مهمه جدا جدا جدا... الفرن نسخنه لمده 5 دقايق و نقفل النار بعدها.. و قبل ما تدخلي اللبن الفرن اختبري الفرن كده بايدك دخلي ايدك جوا الفرن لو لقيتي الفرن دافي كده و ايدك تقدر تستحمله يبقي كده تمااااام اوي و تدخلي اللبن و ان شاء الله هيربط... اوعي الفرن يبقي بارد و اوعي يبقي سخن اوووي اهم حاجه يكون فرن دافي كده او ازيد من الدافي بحاجة بسيطه
- 4
هنحط اللبن الدافئ و الزبادي في الخلاط نضربهم كويس اوي
- 5
نحطهم في كوبايات زجاج او فخار و ندخلهم الفرن و نقفل الفرن عليهم لمده 6 ساعات اوعي تفتحي باب الفرن خلال الوقت ده و اوعي تسيبي النار شغاله في الفرن
- 6
وبس كده بعد 6 ساعات افتحي الفرن هتلاقيه ربط دخليه بقي يبرد في التلاجه
- 7
والف هنا وشفا
- 8
لو حابه تعملي زبادي تاني اشتري لبن بس و سيبي كوب زبادي من اللي عملتيهم واشتغلي بيها تاني
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
-
-
-
-
-
-
-
-
الزبادي البيتي الزبادي البيتي
الزبادي البيتى من أهم استعدادات شهر رمضان ليه تشتريه من بره لما تقدرى تعمليه في البيت
وصفات ننصحك بمشاهدتها
التعليقات