هنحضر الأول صوص التوت البري : هنجيب ملعقة او معلقتين من مربى hero بالتوت البري وفي طاسة هنحط معاهم ملعقة واحدة ماية بالظبط. ونوطي النار عليهم, مع التقليب لحد ما يتكون الصوص ويكون الى حد ما متماسك.

نحضر البان كيك : نحط جميع المكونات مع بعض ونضربها بالمضرب الكهربائي لحد ما يبقى عندنا قوام متماسك, مش تقيل ومش خفيف.

نجيب طاسة تيفال وندهنا بالزيت و نجيب ملعقة توزيع ونملاها خليط البان كيك وننزله بالراحة في نص الطاسة,عشان يطلع معانا بشكل دائري. ونوطي النار اول ما ننزل الخليط.

اول ما يظهر فقاعات على وش البان كيك, هنقلبه على الوش التاني ونسيبه ٣٠ ثانية.

وبكده نكون خلصنا البان كيك، نحطه في طبق ونحط فوقه الصوص اللي جهزناه, وبألف هنا.