فردت الخبز على الطاولة وقطعته بالنصف بمقص الخاص بالمطبخ

اضفت الكشنة على وسط الخبز مع الحرص أنه ما تروح للأطراف..مسحة بس..كأني بسوي ساندوشته كمية قليلة لأني ابغاك ناشف مو مغرّق كشنة

اضيف الجبنة المبشورة نصف الخبز لأني حأطبق الخبز..وركزت الجبنة في الأطراف..عشان ابغى الخبز يلتصق في بعض لمن اطبقه..يعني الجبن بمثابة الغراء 😁 ممكن جبنة صفرا عادي اللي متوفر عندك لأنه حيتطبق ولا حيبان الشكل..بس الطعم اللي حيكون مهم في الاكلة ذي

اضفت زيتون شرائح ما عندك عادي خذي الزيتون العادي وقطعت باي شكل يطلع..نحن تبغى منعته بس

اخيرا الفلفل الرومي انا اضفت أصفر واحمر لكن كل شخص يضيف بطريقته ممكن لون واحد

وجينا لفقرة المطبق..نطبق الخبز بالنص ويكون الفرن حار اخبزه حق بس يا تقمر او ناس تقول يتحمّر من الأطراف ما كثرت بقاءه بالفرن

وهذي النتيجة بعد ما خرجته من الفرن وقطعته وهو حار زي ما انتوا شايفين

وهنا قطعته كمان بحيث يصبح نفس شكل المطبق

وهذا الشكل قبل التقطيع وبعد التقطيع

واخيرا الشكل النهائي كل الكمية