بنقع الحمص ١٢ساعة. بعدين بصفي المي وبديرو على ماكينة الكبة. اول دور بشيل مقدار كوب من العجينة. وبرد بخلط دور تاني. وبعدين منخلطن سوا, هالشغلة بتعطي هشاشة وقرشة للفلافل غير شكل.

بعدين منضيف البهارات, بحط ملح وكمون وكزبرة وفليفلة ورشة كركم. وهاد سر تاني بيخلي لونها حلو ومابيسود. و بزيد بصل و ثوم.

وبحط ملعقتين النشا هاد, سر تالت بيعطي قرشة غير شكل, والبيكنج باودر والبيكربونات الصودا وبخلطن. ممكن ضيف بقدونس حسب الرغبة. بخلطن وبضيف قليل من الماء ان احتاجت العجينة, مي مابكتر بس شوي.

بترك العجينة معغطاية بالبراد شي ساعة لتخمر وتتمازج النكهات. بعدها بتكون جاهزة على القلي بالزيت.

ممكن نفرز قسم من العجينة, بس بدون بهارات والبيكربونات والبيكنج صودا. ووقت بدك تطلعيها بتبهريها وبتقليها.