أولاً منحضر الحشوة منبرش البصلة والبندورة والفليفلة برش ناعم ومنحطن فوق اللحمة ومندعكا ومنضيف عليها دبس البندورة ودبس الرمان والملح والفلفل والزيت وآخر شي منضيف البقدونس ومندعكن منيح مع اللحمة ومنحطا شوي بالبراد نص ساعة

بهالوقت منعمل العجينة منضيف الطحين واللبن والزيت ومنفركن منيح ليتبلغ الطحين كلو بعدين منضيف المي شوي شوي ومنعجن لحتى تتشكل العجينة وتصير طرية وماتلزق على الايدين

منبدأ بتشكيل أقراص اللحم بعجين مباشرة مافي داعي نريح العجينة مناخد كرة صغيرة من العجين ومنرش عليها طحين ومنمدا لتصير رقيقة كتير

منشيلا منكون محميين طواية تيفال على الغاز منحطا فيها ومنضيف عليها ملعقة من الحشوة منمدا عليها منيح ومنخليها ليبدأ سفلها ياخد لون منشيلا ومنحطا بصينية الفرن

منعمل غيرا بنفس الطريقة ومنصفن بالصينية ومندخلها الفرن منشغل بس من فوق شوي مامنخليها تطول ومنطالعا ومنخليهن يبردو شوي ومنغطيهن بفوطة نظيفة حتى يضلو طرايا ومنكمل لتخلص الكمية ومنقدمن مع لبن عيران أو صلطة وبالهنا 🌷