نحضر صنية مقاس 26 ندهنها زبدة ونرشها بالدقيق.

نشغل الفرن على 180 عشان يكون محقق درجة الحرارة قبل دخول الكيكة.

نبدا فى العجانة، نحط البيضة كله ونضربه لوحده لمدة ربع ساعة لحد اما قوامه يزيد

ونحط الفانيليا والسكر ونضرب لمدة 5 دق اخرى ونحط المية ونضرب.

واخر حاجة نحط الدقيق والبيكنج بودر ونخلط براحة بسباتيولا من تحت لفوق.

نحط خليط الكيك فى الصينية وندخله الفرن لمده حوالى 35 الى 40 دق حسب نوع الفرن.

بعد التاكد من تمام السوا نطفى الفرن ونسيبها 5 دق وبعد كده نطلعها.

نحطها فى الثلاجة تبرد حتى يمكن تقطعيها.

نخرجها من الثلاجة ونقشر القشرة الخارجية ونقسم التورتة 3 اقسام.

نحشى اول طبقة كثيفة من الكريم شانتيه وعليها طبقة من حشوة الكريز او الفراولة ونكرر الحشوات.

نغطى الكيكة كلها بطبقة خفيفة من كريم شانتيه وندخلها الثلاجة.

لما تطلع من الثلاجة نحط طبقة كبيرة من كريم شانتيه على جنب التورتة ومن فوق نحدد فى النص باستخدام شئ رفيع نحدد شكل قلب.

باستخدام كيس حلوانى نعمل شكل وردات صغيرة من كريم شانتيه حول القلب وندخلها الثلاجة.

لما تطلع نستخدم السائل اللى موجود فى حشوة الكريز الجاهزة ونحطها فى مكان االقلب.

باستخدام زينة الكيك نزين بها جنب التورتة وندخلها الثلاجة وبالف هنا.