طريقة عمل مكرونه بالبشاميل الجاهز
طريقة عمل مكرونه بالبشاميل الجاهز
الخطوات
- 1
نسلق المكرونه فى حله فيها مياه بتغلى مع شويه ملح وبلاش زيت عشان يبقى سهل تتماسك مع البشاميل.
- 2
على ما تتسلق نفرغ محتويات كيس البشاميل على كيلو اللبن بس تشيلى ربع كوبايه لبن وهقولك ليه ونرفعه على النار مع التقليب المستمر وممكن تحطى المرقه هنا وتقلبى حتى تمام التجانس وهتلاقيه تقل معاكى زى البشاميل اللى بتعمليه فالبيت وتسيبيه على جنب يبرد تكونى عصجتى اللحمه.
- 3
لتعصيج اللحمه: معلقه سمنه ومعلقتين زيت ثم البصل حتى يصفر ثم الفلفل الاخضر وتشوحيهم سوا حتى يذبل اللون ثم الطماطم والتوابل مع ربع كوبايه مياه ثم اللحمه المفرومه وسيبيها على نار عاليه مجرد ما تغلى وطى عليها وسيبيها شويه تشرب ميتها.
- 4
صفى مياه المكرونه وياريت مش تشطفيها بمياه ساقعه عشان بردو تبقى متماسكه بالنشا اللى موجود فيها.
- 5
بتخدى 3 معالق كبيره (كبشه يعنى) وتحطيهم على المكرونه كلها وتقلبيها كويس اوى عليها وبعدين تقدحى معلقتين سمنه فالصينيه مع معلقه زيت وتوزعى عليهم البقسماط وده عشان المكرونه مش تلزق منك فالصينيه.
- 6
تحطى نص المكرونه او اكتر شويه وتتكى عليها بايدك عشان تتساوى وتقومى حطه اللحمه المفرومه وبردو تساويها عشان تتوزع كويس فكل مكان فالصينيه وعلى المكرونه وتحطى باقى المكرونه وبردو تساويه وتنزلى بباقى البشاميل كله على الوش وتساويها عشان تبقى الصينيه حته واحده هتساعد على الشكل العام يبقى حلو.
- 7
تحطيها فالفرن من تحت حوالى ربع او تلت ساعه بعدين تطلعيها على السلك او الشبك اللى فالفرن.
- 8
وانتى بتطلعيها هتكونى دوبتى البيضتين مع ربع كوبايه اللبن اللى شيلناها مع رشه فلفل اسود ورشه ملح عشان زفارة البيض وتوزعيها على وش المكرونه وتدخليها الفرن على الشبكه وسيبيها ساعه او لحد ما يحمر وشها خرجيها وسيبيها تبرد عشان تمسك فبعضها اكتر وبعدين قطعيها بطريقتك وبالف هنا.
وصفات مشابهة
وصفات ننصحك بمشاهدتها
التعليقات