صوص البيتزا عباره عن حبتين بندوره طريه وحبة بصل وسط و٣سنون ثوم وزيت زيتون.

بنخلطهم كلهم بالخلاط مع رشة ملح وفلفل وبنتركها عالنار تتسبك وتصير ثقيله.قبل ما نطفيها بنرش زعتر ناشف وبنحرك وبنطفيها.

بنفرد بصينية مدهونه زيت او زبده بالشكل اللي بنحبه. انا عملتها بشكل الورده. وعالفرن من تحت وبس تستوي بنحمرها.

بناخد جزء من العجينه بنفردها وبنرقها كتير رقيق وبنرش فوقها جبنه بيضا وزعتر ناشف وبنطويها عالنص وبنرجع نرقها ونرش جبنه وزعتر و نطويها عالنص ونرجع نرش جبنه وزعتر وبنظل نكرر هالطريقه لتخلص كمية الجبنه والزعتر اللي عنا.

بنسكرها عشكل كره وبنصفهم جنب بعض بصينيه مدهونه زيت او زبده. وعالفرن من تحت وبس تستوي عالتحمير من فوق.

بس صفيتهم بالصينيه بلشت احط فوقهم صوص البيتزا وبعدين الزيتون والنقانق والفلفل الحلو طبعا كله مقطع مكعبات صغيره لأنه حبة البيتزا صغيره. واخر شي جبنة موزاريلا و عالفرن من تحت وبس تستوي بنحمرها من فوق. وألف صحه وعافيه.

خلية النحل. بناخد جزء من العجينه وبنقطعه كرات صغيره. بعدين بنفرد بأصابعنا وبنحشيها شو ما بنحب. انا حشيتهم جزء لحمه مفرومه وجزء جبنه صفرا وجزء جبنه بيضا وزعتر ناشف.

البيتزا انا خليت جزء من العجينه وقطعتها كرات صغار وخليتها ترتاح شوي.بعدين بلشت افرد بأصابعي واصفهم بالصينيه المدهونه زيت جنب بعض.