بعدما تغسلي صدر الدجاج قطعيه كما في الصورة عشان ياخد نكهة احسن وبعدين افتحي النار عالية على مقلاة وحطي فيها 2 ملعقة كبيرة زيت حطي البصلة المفرومة صغير ونصف الفلفلة الشرائح وقلبي لحد ما تطلع ريحتهم حطي الدجاج وقلبيه عشان المسام تتقفل ووطي النار وغطيه لحد ما ينزل ميته ويرجع يشربها تقفلي النار وتسيبيه على بال ما تجهزي الثومية والطحينة

هاتي الصينية اللي هتشتغلي فيها وادهنيها من القاع زيت وحطي شريحة السبرينج رول الاولى وادهنيها زيت والشريحة الثانية وادهنيها زيت والشريحة الثالثة وبعدين فوق الشريحة الثالثة حطي طبقة من خلطة الدجاج وادهني فوقيها ثومية ورشة خيار مخلل ورشة جبنة وبعدين شريحة سبرينج رول وبعدين ادهني فوق الشريحة ثومية والزقي فوقيها شريحة كمان وكرري الرص لحد ما تخلصي تدهني الشريحة الاخيرة من فوق زيت وتحطي الجبنة وتخبزيها في فرن على درجة حرارة 180

ملاحظات : الصينية دي ينفع تدخليها الفريزر بعد الرص وتسيبيها شهور وقت ما تكوني عايزة عشاء سريع بتقعد في الفرن 20 دقيقة فقط وطعمها روعة وممكن تدخليها الفرن فورا بس انا بلاقي الصواني اللي بتترص احسن نتركها 3 او 4 ساعات قبل الخبز في الثلاجة لان المكونات بتدخل احسن في بعضها الشرائح بتتشرب نكهة الحشو وبصراحة بتنجزني وقت ما اكون عايزة حاجة سريعة واحيانا بتلملي بقايا الطعام اللي بتفضل كل يوم (مثلا الدجاج اللي فضل من الغذاء)