لحم خروف بعضم أو بدون عضم إلى يعجبك اغسل اللحم كويس وشيل الأختام بس سيب الشحم قول للجزار كده وديلو 10 جنيه هيروقلك اللحمه

أشر الكوسه نص ونص أشر البطاطس أشر البصل الكتيييير إلى هو بوزن اللحم تقريبا أشر الجزر مش كتير أشر الطماطم ايوه اشرها انا مبحبش أشر الطماطم الطماطم بدون أشر اشيك واجمل واللهى جربها هى هتقرفك فالتقشير بس الموضوع يستاهل والطماطم مش كتير اصلا وأشر التوم وحط فلفل اخضر عادى متقشرهوش وقطع يا معلم ووعى تتعور وبعد التقطيع ملح فلفل اسود حب أجمل وكموووون وبهراات وكزبره وشطه حمرا وشوية زيت زيتون قلقل وانا اصلا مولع الفرن من نص ساعه حط ده على اللحم واخلطه كويس وارميه بالفرن

رتب المطبخ عشان زمان شكله زباله بعد كل العك ده ادخل خد دش وحجرك فى بلكونتك اظبط الطاسه اعملك شوية سلطه بدل منت قاعد فاضى الموضوع مطول الطاجن فى الفرن بتاعى بيخاد سعتين أو أقل وكده اعمل شوية رز بالشعريه واوعى الشعريه تتحرق وخلى أمك أو حد فاهم يحط ميه للرز بدل ما ترميه وبعد سعتين يا شبح اهجم عالطاجن وانت لبس فلنه حمالات عشان هتعرق وبالهنا والشفتشى