اول خطوة كتير مهمة عشان الدجاج يطلع طيب مو مسلوق بضيف بطنجرة شوية زيت او سمن بضيف المطيبات بقلبن لا تطلع ريحتن وبعدين بضيف والبصلة المقطعة ارباع والجاج المقطع بضل بقلب الدجاج منيح لا ياخد لون ويتنكه بلمطيبات بضيف مقدار من الماء وبستنا لا تبلش تغلي الماء بهدي النار وبسكر الطنجرة وبخلي الدجاج تطلع الزفرة بشيلها كلها وبخليه ساعة لا ينضج منيح

هلق خطوة تاني كتير مهمة بال اول بضيف البصل مع شوية ملح لا يدبل شوي بضيف الزيت وبقلبو وبستنا لايدبل اهم شي بلمسخن عدم اضافة السماق مع الزيت بيتغير لونو وبيصير مو طيب بطفي النار وبضيف الدجاج المفتت والسماق وملح وفلفل اسود بقلبن كلن مع بعض

هلق شو بعمل باخد شوي من الزيت مع البصل وبدهن الدجاج وبرش علين سماق وبدهنن كتير منيح بخلين عجنب

بجيب صينية كبيرة منغمس الخبز بالزيت وبرتبن على الصينية وباخد مقدار من البصل وبضيفو عوجه الخبزة وبرتب الدجاج وبدخلا الفرن شوي لا يتحمص الخبز ويتحمر الدجاج

ملاحظة كتير مهمة يجب عدم وضع ايا نقطة من مرقة الدجاج عخليط الزيت المرقة بتخلي الخبز طري ونحنا بدنا ياه يتقرمش بالفرن