اقطع البصل شرايح رفيعة واشوحها مع الثوم

أغسل السمك وأحط له البهارات (ملعقة باربيكا ، ملعقة سنوت ، نصف ملعقة كركم ، ملعقة اوريجانو ، ملعقة فلفل مجروش،ملح) وأهم شي من أبهره اضيف له ثوم مهروس نصف راس واقلبه زين

اضيف السمك لنفس القدر اللي شوحت فيه البصل وبعدها اضيف باقي الخضار(الفلفل الرومي، البطاطا ، الطماطم ، الباذنجان ،الجزر) بعد ما أقطعهم قطع متوسطة وأضيف بقدونس، اقلبهم بحرص مع السمك عشان يتبهروا

ملاحظة : كمية الخضار حسب كمية الرز إذا شوي رز حطي بطاطا وبصل وفلفل رومي يكفي

انقع الرز في ماء ساخن ربع ساعه بعدها اسلقه في ماء مغلي مضاف له ورق غار واعواد قرفة وحب هيل نتترك الرز حتى يكون نصف مستوي وافرغ منه الماء

أضيف الرز لنفس القدر اللي فيه السمك والكشنة واحط له زيت فوق لا ينشف وماي ورد مع زعفران او ارش عليه كركم

أقصر النار أخر درجة مرة خفيف واحط الغطاء على القدر واتركه نصف ساعه اول ما يطلع البخار اعرف انه استوى