في اناء نضع الحليب دافئ ونضيف له الخميرة والسكر و نخليه يتفاعل مدة 5دقايق

من بعد نضيف الزيت والفانيلا وكأس الاول تع الفرينة (طحين) ونزيد عليها الملح وخميرة كيميائية ونكمل نحط الفرينة (طحين) حتى يتشكل عندنا عجين متماسك ماشي خفيف وماشي يابس خداتلي حوالي 3 كيسان ونصف فرينة (طحين او دقيق) وكل وحدة والفرينة (طحين) ديالها نعجنها حوالي 5 دقايق حتى تولي طرية

بعدها نشكل هربوش ونقسمو على 08 قطع متساوية ونشكلهم على شكل كريات وتخليهم بجيه يخمروا حتى يتضاعف حجمهم

نذوب الزبدة المورقة على النار

بعدما يخمروا الكريات نفتحهم بالحلال ونشكل طبقات اي وحدة فوق وبين طبقات تدهن بالزبدة المورقة الذايبة

ونحل وهما هكاك طبقة فوق طبقة وهنا يتشكل عندنا عجينة واحدة نقسم العجينة المحلولة على 02 ثم على 04 ثم كل 04 نقسموها على 02 وكل 02 نزيدو نقسموه 02 ويتشكل عندنا في الأخير 16 قطعة

نلووهم (نشكلهم) وشكل كرواسون ندهنهم بصفار البيض ونسكافيه والحليب ونخليهم يخمروا حتى يتضاعف حجمهم

بعد الاختمار نزيد ندهنهم بصفار ونسكافيه والحليب ونحطهم مباشرة في الفرن يطيبوا (يستووا) من تحت ومن بعد من الفوق