ندفو الحليب والياغرت الطبيعي ونزيدولهم الخميرة تاع الخبز و مغرف فرينة (طحين او دقيق) نخلوهم يخمرو وكي يخمرو شوي نزيدو الزيت والملح و الخميرة الكيميائية ونلمو بالفرينة ومنشفوش العجينة خلوها تتلاصق شوي هذا السر باش يجينا الخبز خفيف

بعد هدا نخلوها تختمر مرتتين باش نشكلوها و نزيدو نخلوها تطلع بيدما الفور يسخن و ندهنوها باللبيض و شوي حليب و نطيبوها

الحشو انا رحيت صدر دجاج كان متوفر عندي و حطيتلو شوي ثوم و بقدونس و ملح و فلفل و كزبرة و شوي راس الحانوت و شويتو و قليت شوي بطاطا

بعد ما طاب خبز الهمبرڨر نفتحو و ندير هريسة و ميوناز و الدجاج و البطاطا و السلطة و الطماطم و الجبن طبقة بطبقة