شيش برك
طبخات امهاتنا زمان
الخطوات
- 1
اقوم بعجن العجينة اللي رح استعملها. بحط الطحين والملح والزيت. وبضيف الماء شوي شوي على حسب نوع الطحين. وبغطيها وبريحها من ربع ساعة لنص ساعة.
- 2
بفرم البصل ناعم وبحط اللحمة بمقلاة على النار. وبحط شوية زيت وبقلبها شوي. وبعدين بضيف عليها البصل وبضيف البهارات والملح عليها وبخليها تستوي.
- 3
بعد مرور نص ساعة على العجين, بفردها بصينية, برش فيها طحين وبقطع العجينة لكرات كبيرة وبريحها شوي.
- 4
بواسطة الشوبك او المرق, ببلش افرد العجينة واقطعها بواسطة فنجان صغير, وبحط لحمة في كل قطعة وبسكرها بطبق الدائرة من النص, وبعدين بمسك الطرفين مع بعض بهذا الشكل, لحتى انتهي من كل الكمية,
- 5
اقوم بقلي حبات الشيش برك بزيت وفير على النار. وما بحمل زيت ابدا, بس لحتى يتماسك وياخد لون ذهبي خفيف. او بتحطيها بالفرن من فوق شوي لحتى تنشف العجينة.
- 6
بكسر لبن الجميد منيح وبالخلاط بحطه مع اللبن الرايب وماء فاتر وبخلط منيح. وبعدين بديره فوق الشيش برك وبحط عليه بكيت كنور مطحون, لحتى يستوي وما بياخد وقت على النار.
- 7
بقلي ثوم بزيت زيتون على النار. وبس تتحمر شوي, بديرها فوق الشيش برك.
- 8
بسكب الشيش برك وبقدمه. وبرش عليه بقدونس. وصحة والف عافية.
وصفات مشابهة
وصفات ننصحك بمشاهدتها
التعليقات (5)