في اناء نضع الفرينة ونخلطو معاها السكر والملح ونسكرفجو عليها 300 غرام زبدة التوريق ثم ندخلو هاذيك الزبدة بصباعتينا في الفرينة مليح لازم زبدة التوريق باش تنجحلكم الوصفة ثم نخلطو البيضة بالماء بارد من الثلاجة ونلمو العجين نلمو فقط منعجنوش ونخليها تريح على الاقل ربع ساعة في الثلاجة.

ثم نخرجها ونحلها على حساب البلاطو لي عندك ونجيبو الحشو تعنا انا استعملت طماطم وبصل ولحم مفروم نحطو االحشو تعنا ثم نفتحو القسم الثاني ونغطيو بيه الحشو ونقسموها مربعات وندهنوها بصفار البيض ونحطو في كل مربع حبة زيتون اسود

وندخلها للفرن نكون سخنتو من قبل حتى تحمار من الفوق ومن التحت ونخرجها صدقوني تجي هشيشة كيما اي مثل العجينة المورقة جربوها ومتندموش