نأخذ طنجرة وعلى نار هادئة نضع الزيت والزبدة

ثم قطع الدجاج ونحمروه جيدآ في الزيت حتى يتغير لونه.

نضيف البصل والتوابل ونقلي الكل جيدآ حتى يذبال البصل.

نزيد الزيتون مغلي في الماء من قبل.(مرتين أو ثلاث مرات)

نتركهم حوالي 10 دقيقة مع التحريك.

ثم نضيف الماء الدافئ حتى يتغطى الدجاج ويطيب.

بعد ذالك نحضر صدر الدجاج نقطعوه شرائح طوليا.

نضغط عليه بمطرقة خشبية أو أي شيء في المطبخ باه نرقوه قليلا.

نأخذ صحن صغير غامق مثل (تاع لفلان) ونحط شريحة من الصدر ونعمرها بالقليل من البطاطا مقلية مقطعة مكعبات +قطعة جبن أبيض.

نروليها ونلمها جيدآ باه متخرجش الحشوة ونلف عليها الخيط ونربط.

نحطها في الطنجرة بعدما يكون الدجاج طاب ونخليها حتى تستوي ويختار المرق.

بعد ذالك ننزعها نحطها في كسكاس تقطر ونقليها في القليل من الزيت أو الزبدة حتى تأخد اللون الذهبي الجميل.

نحطها في صحن التقديم ونزينها بالمعدنوس وشرائح الليمون.