نذوب الخميره في معلقتين ماء ومعلقة سكر. ونضيفها على المكونات الناشفه والزيت. ونخلط بالماء الدافي, لحد ما العجينه تتلم وتكون متماسكه. واسيبها ساعه تختمر.

نخلي الجمبري ونشق الظهر ونشيل السلسله. ونعمل التتبيله عباره عن 4 فصوص ثوم مدقوق مع الملح والكمون والكزبره والفلفل الاخضر والخل وربع كوب زيت والليمون. ونسيب الجمبري فيها ساعه.

نحضر الصلصه, نشوح الثوم المدقوق مع الملح والفلفل الاسود على النار. وننزل عليهم عصير الطماطم ومعجون الطماطم والزعتر المفروم والنعناع. وندوبهم ونسيبهم يتسبكوا على النار.

في طاسه ساخنه على النار, فيها معلقتين زيت, ننزل البصل المتقطع رفيع وفصين ثوم مدقوق.

يذبلوا, انزل عليه الطماطم المتقطعه صغير والجمبري ومعلقتين من تتبيلة الجمبري وعليهم رشة ملح وفلفل اسود. واغطيه لحد ما يستوي. بياخد تقريبا 10 دقائق ويكون شرب كل الماء.

بعد العجينه ما تختمر, افردها في الصينيه. وادهنها بالصلصه وافرد عليها الكميه المناسبه من الجبنه الموزاريلا. وادخلها الفرن 10 دقائق على درجة حراره 200.الجبنه تسيح.

ادخلها الفرن لحد ما تستوي,تقريبا بتأخذ 20 دقيقه. واول ما اتاكد من تمام الاستواء, بطفي الفرن. واغطي الصينيه عشان تفضل طريه. واقفل عليها تاني.

اطلعها وافرد عليها الجمبري والبصل والطماطم والزيتون, بشكل متساوي. واغطي الوجه بالجبنه مره تانيه.