نخلطو الفرينة (طحين) مع(حليب بودرة) والخميرة والملح وفانيلا ثم نضيف مرغرين (زبدة) ذائبة والبيض ونلموها بالماء وماء الزهر حتى تولي طرية ونخلوها ترتاح نص ساعة

نحلو العجينة بالحلال ثم نمرروها في آلة تع البقلاوة في رقم 1,3,5,7امبعدنقطعوها مستطيلات طوال ونديرولهم ميزينة ونلفو المستطيل كي نكملو نغلقو المستطيل ببياض البيض باش ميتحلش ونقطعوه الى معينات

امبعد نحطو الحلال في وسط المعين ونحلو باش تخرج مورقة نحلو ملوسط الى اليمين ثم ملوسط الى اليسار ثم نقليهم في الزيت ساخن يتحمرو شوية برك ونحوهم نقطروهم ثم نسقوهم بلعسل ونزينوهم بكاوكاو أو بيسطاش وشهية طيبة

لي معندهاش ماشينة تع البقلاوة تقدر تحلها بيدها بصح تحلها رقيقة