نخلطو البيض مع سكر و فانيلا و قرصة ملح جيداً ثم نضيف ياغورت ثم خليط زيت و زبدة ونخلط مليح ثم نضيف الفرينة (طحين) و خميرة كيميائية و ملعقة خل (مهم جداً يخلي الكيكة منفوخة)

نقسم الخليط إلى قسمين ثم نضيف لأحد الخلطين الكاكاو و نخلطوه مليح لاكن بحذر باه ما يهبطش الخليط ،

ملاحظة: إذا جاك خليط الكاكاو شوية عاقد على خليط الأول ضيفيلو ملعقة كبيرة حليب راح يولي قوامو كيما اي مثل الخليط الاول)

نجيبو المول لي نطيبو فيه يكون مدهون و نفرغو اولا الخليط الأبيض ثم الخليط البني بالتدريج فوق بعض ،هكا حتى تكملي. منبعد تحطيها في الفرن (هدي المرة ما تسخنيش الفرن من قبل يعني دخلي المول تاعك طول على خاطر هذا النوع من الكيكة يتطهاو بهذه الطريقة) على درجة حرارة 180 درجة حتى تشوفيه طاب.مبعد خليه يبرد و قطعيه وبصحة و هنا.