منغسل حزم الكراث منيح و منقطعهم و منصفيهم

منقطعه الدهنه لقطع وسط لا كبيرة و لا صغيرة

منحط ملعقة السمنه بالطنجرة و منقليها مع الدهنه لحتى تذوب شوي

بعدين منضيف اللحمة الناعمه و منحط البهارات الملح و الفلفل الأسود و الفليفلة الحمرا

منغسل البصل و منقطع لأرباع و منضيفو فوق اللحمة و منتركو على النار لمدة ربع ساعة

بعديها منضيف الكرات فوق اللحمة و البصل على نار هاديه لمدة نص ساعة بعديها منفتح و منركز ملحو اذا ما استوى منتركها كمان عشر دقائق

و بعدها منقدمها و جنبها برغل بزيت الزيتون و صحن ليمون و فجل

و صحة و عافيه 🌹