قلوب بالبيمو

نأخذ الزبدة طرية نزيدلها الكاكاو ونخدمها مليح باليد ثم نزيد العسل ونخلط ونضيف البيمو مرحي رقيق ونزيد الفرينة ونخلط ونلمها بالبيض ديري وشوفي انا داتلي 2حبات بيض المهم حتى تتحصلي على عجينة طرية واذا جراتلك زيديلها الفرينة،نحل العجينة نقطعها متوسطة متكونش خشينة ونطيبها

الكريمة:ناخذ الحليب والنشا و السكر نخلط ونحطهم فوق النار حتى تعقد كي تبرد شويا نزيدلها الزبدة ونخلط حتى نتحصل على كريمة نضيفلها قطرات من ملون احمر نلسق الحبات وندير كمية معتبرة من الكريمة باش تبان وفي الاخير نغطس وجه الحبات في الشكولاطة وتزيبن اختياري.