دجاج بالزبده

بنتبل الدجاج بالخل والثوم والشطه والبابريكا والملح والفلفل ونتركها نص ساعة

بطنجره بنحط الزيت والزبده وبنحط الدجاج وبنخليه يستوي وبنشيله

بنفس الطنجره بنحط زيت وزبده والبصل وبنقلب خمس دقائق

بنضيف الثوم والفلفل الحار وبنضيف نفس كمية البهارات يلي تبلنا فيها الدجاج وبنقلب شوي

بنضيف معجون الطماطم وعصير الطماطم والماء والسكر والكاجو والملح وبنخلي الصوص يغلي عشر دقائق

بعدها بنخلط الصوص بالخلاط وبنرجعه على الطنجره وبنحط الدجاج بالصوص

اخر اشي بنضيف كاسة كريمة طبخ

وبنقدم الدجاج مع ارز بالزعفران

وصحه وهنا