نخلط البيض و سكر حتى يبياض ثم نضيف الفرينة (طحين) و خميرة حلوى و نخلط برفق من فوق لتحت بملعقة نفرغها في مول يكون فيه ورق الخبز و نخبزها على نار هادئة من تحت حتى يضاعف الحجم ذخلي موس تاعك إذا خرج ناشف طفي لكن متخرجيهاش

كي تبرد كيكة تماما نقطعها 3 دوائر و من الأحسن نخدموها ليلة قبل و نخلوها تبرد من بعد نقطعوها هذي كنصيحة نحطو في صحن تقديم تاعنا ديسك الأول و نشمخوها بالسيرو بواسطة الفرشاة ثم نضع كريمة الحلواني ثم ديسك تاني و نشمخها بالسيرو ثم كريمة حلواني ثم ديسك الثالث و نمسح عليه بالفرشاة سيرو

كريمة الحلواني : نخلط الحليب و ميزينة و السكر على نار حتى يخثار ننزعه من النار و نضع ملعقة صغيرة من فانيلا و ملعقة زبدة و نخلط نغطيها و نتركها تبرد جانبا تبرد تماما بعدها نخلط كريمة حلواني مع كمية من كريمة شانتيه.

كريمة شانتيه : كأس حليب بارد جداً مع كأس غبرة شانتيه و نضرب بالخلاط الكهربائي حتى تتضاعف كمية لتحب تأخذ من كريمة شانتيه تلونها للتزيين هذا إختياري

نطلي كيكة بكريمة شانتيه كاملة ثم نزين كيما اي مثل نحب أنا زينتها بورود كريمة شانتيه و الفراولة و توت و أنتم لكم الإختيار أبدعو كما تحبون

شهية طيبة للجميع