كرشات وفوارغ مشوية 😍
اكله كتير طيبة بالرغم من تعب وشغلها الطويل 😂😅😅
الخطوات
- 1
نغسل الكرشات والفوارغ بالماء اكتر من مره ليروحوا الشوائب منها وتصير الماء نضيفة مافيها شوائب
- 2
بننقع الكرشات والفوارغ بماء مغليه تقريبا نص ساعة وبعدها بنصير بطرف السكينه الغير حاد نقشط فيها لنتخلص من الطبقة الخارجيه وبنرجع نغسلهم بماء لتروح كل الزوائد المتسخة
- 3
بننقعهم بخليط من الليمون والخل والطحين والملح لمده ساعتين اقل شي وبنضل كل فترة ندعكهم لتروح ريحه الزنخة منهم وتصير ريحتهم حلو
- 4
بعدها بنغسلهم كتير منيح وبنحط عليهم شويه ملح وكربونه بماء دافيه بنحطهم فيها شي 10 دقائق بصير لونهم ابيض وحلو
- 5
بعدها بنغسلهم مره تانيه منيح وبنحط معهم شرايح ليمون وبصيرو جاهزين للتحضير.. بنتركهم لنحضر الحشوة
- 6
للحشوة.. بنشوح اللحمة المفرومه مع البصل ونصف كميه الثوم ورشه قرفة وفلفل اسمر لتستوي تقريبا
- 7
بنفرم البقدونس والبندورة ناعم كتير وبنضيف الحمص المنقوع والارز المنقوع (بننقع الرز شي ساعة) وباقي الثوم والبهارات والملح حسب الرغبه وبنخلطهم وبنضيف عليهم اللحمة المفرومه
- 8
بنقطع الكرشات مربعات متوسطه وبنحشيهم وبنخيطهم بخيط سميك وبنحشي الفوارع بحفارة الكوسا اسهل شي بس بنراعي ما نحشيهم كتير لانه الارز رح ينفش وتتمزع
- 9
بنغلي ماء بوعاء الطبخ وبنضيف عليها الكرشات والفوارغ وبنضيف ورق الغار واعواد القرفة وعود اكليل الجبل والمستكه المطحونه (المستكة رح تخلي ريحة الشوربة بتشهي ومافيها زنخة ابدا وحلوة كتير طبعاً اضافتها اختياريه*) وبنضيف البهارات والملح حسب الرغبه وبنضيف ليمونه مقطعة ارباع داخل الشوربه
- 10
بنتركهم على نار هاديه ساعتين ونص تقريبا لتستوي منيح مع استمرار تفقد الماء حتى ما تنقص فيكي تزيدي الماء اذا حسيتي انها نقصت كتير طبعاً تكون مغليه
- 11
بعدها بنطلعم من الشوربة وبندهنهم زبده او سمنه بلديه وبنشويهم بالفرن
- 12
وبنقدمهم بالصحة والعافيه 😍😍
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
كرشات وفوارغ ولا اطيب من هيك😋😋😋 كرشات وفوارغ ولا اطيب من هيك😋😋😋
اكله معتبره وطيبه كتيييير
-
-
-
كرشة و فوارغ كرشة و فوارغ
اكلة اكتر الناس بتحبها وإلي زمان نفسي فيها بس بدها شغل وحبيت أشاركم الوصفة
-
-
-
-
-
أصابع الكوسا هشه ومقرمشة 😍 أصابع الكوسا هشه ومقرمشة 😍
#جود_بالموجود أصابع لب الكوسا هشه ومقرمشة من اختراعي ممكن نعمل كميه تبقى جاهزه لوقت ما نحب 👌👌👌
-
رؤوس وكرشات وفوارغ ولسانات رؤوس وكرشات وفوارغ ولسانات
#أنا_إخترت_أطبخعائلتي أغلى ما أملك لذلك أقدم لهم وصفات تغذيهم وتحافظ على صحتهم البدنية لهذه الأكلة فوائد تجعلهم بصحة جيدة وتقويهم
وصفات ننصحك بمشاهدتها
التعليقات (9)