اذوب السمن على النار بعدذلك اتركه الى ان يبرد تماما.. لان استخدامه وهو دافي او بي حراره يخلي الكليجه تصير سمره

اخلط المواد الجافه معا (الطحين ، الهيل المطحون ، رشة الملح تقريبا ملعقه كوب ملح ، الفانيليا)

ابدي اضيف الدهن على المواد الجافه بالتدريج وابدي افتت الطحين ويه الدهن الى ان يتجانس تماما يصير مفتفت

افتت الطحين ويه الدهن بالليل واتركه لثاني... ينطيج نتيجة مو طبيعيه لان راح يرتاح العجين او تكدرين تسوينه الصبح واتركيه للعصر يرتاح

ثاني يوم الصبح احضر الخميرة على جهه كوب مي دافي واضيف ملعقة اكل خميرة وملعقة كوب سكر واتركهم يختمرون لمدة لا تقل عن 10 دقايق

اضيف الخميرة بعد العشر دقايق وبعدين ابدي اعجنهه بالحليب السائل الى ان تصير عجينه لينه

الفهه بنايلون واغطيهه واتركهه تختمر بهاي الطريقة نص ساعه تجين تلكيهه مختمره

بعد ما اختمرت ابدي اقطعهه واحشيهه الحشوه الي تعجبج (تمر ،جوز ، مبروش ، سمسم ، حلقوم) الي تحبي اني حشيتهه قسم تمر وقسم حلقوم

بعد ما كملت تقطيع.. اخفق بيضه ووياهه حليب سائل وادهن وجه الكليجه علمود تنطيهه لمعه

ادخلهه الفرن... الفرن لازم يكون حاميته قبل بساع اخليهه تصير ذهبيه واطلعهه لتخلوهه اكثر

اتركهه تبرد واقدمهه ويه الشاي والف عاااافيه 😘