اول شي لازم ننضف الحمام كويس ويتنقع في ماء بالملح والليمون لانة بيكون زفر لحد ما نجهز الخلطة.

بعد ما نغسل الرز نضيف عليه الكبد والقوانص والبصل والثوم و السمن و البهارات و نحطهم على بعض في طاسة او حلة صغيرة على النار مع ١/٤ كوب ماء ونسيبة لما يوصل 3/٤ سوى ونفضل نقلب فيه كل شوية عشان مايتحرقش.

لو هتختاري تضيفي الطماطم على الخلطة: يبقى تحطيها مع الخليط من الاول

لو هتختاري تضيفي البقدونس على الخلطة : تضفيها في الاخر بعد ماتطفي على الرز وتسبية يبرد شوية عشان تفضل رحته حلوة ومايبقاش مر.

نرجع للحمام تاني نصفية من الماء ونشطفه مرة كمان ونصفيه ونبدا نحشية بالخلطة بتاعتنا.

لما تخلصي الحمام كله محطة في الشوربة مرة واحد عشان يستوي مع بعضة،،،،،

طريقة شوربة الحمام :

ماء ، بصلة ، فصين ثوم،كرفس، بصل اخضر ، جزرة، طماطم، ورق لوري، حبهان،وقرفة عيدان مش مطحونة (عود واحد بس) القرفة تحديدا حسب الرغبة.

تابعي الحمام لحد ما يستوي عشان مايتفتحش منك.بس أن شاء الله بالطريقة دي عمره مايتفتح.

يتقدم مع ملوخية خضراء وارز بالشعيرية واي صنف خضار تفضلية

بالف هنا وشفا.