الخطوات
- 1
نحط الجبنه في وعاء على حمام مائي عشان تفك وتبقى سهله في الضرب ونحضر باقي المقادير
- 2
نضرب الجبنه لحد ما تبقى خفيفه جداا وبعدين نضيف صفار البيض واحده واحده ونضرب كويس وبعدين نضيف السكر ونضرب كويس لحد ما يبقى اللون باهت والقوام خفيف والسكر ميبقاش باين
- 3
نضيف بشر اللمون وعصير نص اللمونه والفانيليا ونضرب كويس
- 4
ندفي اللبن ونسيح فيه الزبده ونضيفه بالتدريج على الخليط كل ده واحنا بنضرب وبعدين ننخل الدقيق والنشا والملح ونقلب بخفه ونحطه على جمب
- 5
نضرب بياض البيض بمضرب البيض على أعلى سرعه ونضيفله عصير نص اللمونه والسكر ونضرب لحد ما يجمد ولما نقلبه بالطبق ميقعش
- 6
ناخد بياض البيض على الخليط على ٣ مرات وكل مره نقلب بخفه جدا عشان الهوا ميخرجش
- 7
نصب الخليط في قالب مستطيل بتاع الكيك او في صينيه مدوره صغيره بس تكون مبطنه بورق زبده من تحت ومن الجناب
- 8
نحط القالب في صينيه ونحط فيها مايه سخنه بس مش بتغلي ونشغل الفرن على ٢٠٠ درجه ونظبط المنبه ١٨ دقيقه بالظبط وبعد كده نوطي الفرن على ١٤٠ درجه ١٨ دقيقه كمان بس يبقى عينا ع الفرن عشان لو احمرت من ناحيه نقلبها ع الناحيه التانية
- 9
أول ما تطلع من الفرن نشيله من الصينيه ونشيل ورق الزبده ونحطه على منخل سلك عشان يتهوي كويس
- 10
نحطه في طبق التقديم ونرش عليه سكر بودره خفيف اوي ونزين بالفراولة
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات