نخلط مكونات عجينة فرينة (طحين او دقيق) و زيت و ملح و بياض بيض مع بعض مليح و نلم بماء دافي تكون عجينة ماشي يابسة و ماشي جارية تكون متوسطة نعجنها 5 دقائق و نقصها بولات مثل تاع محجوبة انا درت 4 قطع و ندهنها بزيت من فوق و خليها ترتاح على اقل 2 ساعة كل ما ترتاح كلماتكون مليحة

نحضر الحشوة نقلي بصلة مع حبة فلفل مقطعين زوج في زيت مليح نضيف لحم مرحية ولا دجاج مع شوي ملح و توابل و فلفل اسود و كمون نخليه يقلا مليح ونطفي.نضيف بطاطا مهروسة و نخلط كل مع بعض نخليها على جنب

نجيب لعجينة نطرحا على سمك 1 سم و ندهنها ب زيت من فوق و نحطها فوق بلا مدهون هوا تاني و نزيد نحل تانية و نحطها فوق اولى و ندهنها من فوق هيا تاني و نرجع نطرح ثالثة و رابعة كيما اي مثل درنا لخرين كي نفضوهم نجيب. جرد (قماش) نحطو فوق طابلة و نهز العجينة لي طرحناها بالوحدة و نفتحوها بيد كيما اي مثل محجوبة تولي رقيقة

ندهنها ب خليط لي درناه قبيل لي هو عبارة عن بيضة و كاس تاع شاي زيت و كاس تاع شاي ماء ملعقة كبيرة اكتيفيا نخلط مليح حتى ينحل ياغورت و ندهن بيها العجينة كاملة و نط على طرف حشوة و نرولي العجينة بالمساعدة بلقماش لي حطيناه تحتها

نجيب صينية فرن مدهونة بزيت نضح حربوش فيها و نكمل العجين كامل كيما اي مثل اخرى في اخير ندهن الوجه بصفار بيض و نرش عليها سانوج (حبة البركة او حبة السودا) و جنجلانية و نقصها و ندخلها فرن طيب من تحت و من فوق