ندخل السميد مع ليدام مليح حتى يتغير لون السميد و نتحصل على شكل رغوي من بعد نضيف الكيلة تع الماء لي كنت خلطتها مع ماء زهر و يكونو باردين من الثلاجة و حسب نوعية السميد ممكن تكملو كامل الكيلة و ممكن لا

من بعد خليه يرتاح و يتشرب مليح اذا شفتيه ناقص زيديلو و إذا شفتيه مشرب مليح لا داعي لأضافة الماء مرة أخرى و من بعد كي تشكليه و تحطيه فالبلاطو خلي مسافة صغيرة بين الحبات كيما اي مثل موضحة في الصورة و ما تخافيش ما يتحرقلكش

بالنسبة لعجينة التمر :بعد ما تنقي الغرس تاعك مليح و ترحيه ضيفيلو كمية من الجنجلان محمص +قرفة و قرنفل و أعجنيه بالماء فقط ما ديري لا ماء زهر ولا زيت