نخلط كيلة فرينة (طحين او دقيق) مع ميزينة وحبت بيض وسمن ذائبة ونبسسهم مليح

بعد ما نبسسها مليح نضيف ماء زهر بدون عجن حتى تجينا عجينة شابة وبعد ما تتماسك عجينة وتصبح طرية نضعها في كيس بلاستيكي ونغلقه ونضعها في تلاجة ومن احسن نتركها من 3الى 7 ساعات في تلاجة او ليلة كاملة حتى تجينا عجينة هايلة ومتماسكة

وبعد ما نكمل من عجينة نجيبو غرس لا كان يابس نفوروه ولا كان عادي نحطولو قليل من زيت وقليل من ماء زهر وقرفة وجلجلان ونقوم بعجينه ونضعه في كيس حتى ترتاح العجينة

وبعدما ترتاح عجينة نبدأ بتشكيل كعيكعات نئخد 40غ كن عجينة و25غ من غرس ونشكل دوائر وبعدها نبدأ بحل دوائر عجينة ووضع غرس وتشكيلها ولي ميعرفش يشكل يستعين بمول سيليكون وبعد انتهاء ننقشها بنقاش ونتركها ترتاح وبعدها ندخلها للفرن لمدة 15الى20دقيقة وتزين اختياري ونقدكها يصحة وراحة