نخلطو نص كاس حليب دافي مع الخميرة الفورية و السكر و نخليوهم يتفاعلو

من جهة اخرى نخلطو الفرينة (طحين) و الملح و حبة البيض و الخميرة الكميائية و فانيليا و الزيت مع بعض حتى يتجانسو و نفرغ فوقهم خليط الحليب و خميرة الخبز لي تفاعلو و نخلطو كلش مع بعض مليح و نعجنوها و نخليوها تختمر مدة نص ساعة و نكسرولها الطلوع و نعاودو نخليوها تختمر مرة اخرى

مبعد نعجنوها مليح و نحلوها بالحلال رقيقة خلاص و نطبعوها بحاجة دائرية انا طبعت بالكاس و في النص طبعت بمول السيقار و خليتهم يطلعو و قليتهم في زيت سخونة و مبعد قطرتهم من الزيت الزايد و درت فوقهم شوكولاته ذايبة و بالصحة و لهنا