أول خطوة هي فصل صفار البيض عن البياض ، نحتفظ بالبياض جانبا ونستعمل في تحضير العجين الصفار فقط

ثانيا سخني الفرن على درجة حرارة 150

لتحضير العجينة: نخلط جيداً المارغارين + السكر + صفار البيض + الفانيليا حتى الحصول على كريمة متجانسة

نضيف إلى الخليط 1 👆 الكاوكاو ونخلط ثم الكاكاو البني + المايزينة + والخميرة ونخلط، نجمع بالفرينة حتى تتماسك العجينة وتكون طرية في نفس الوقت

نشكل كريات من العجينة بوزن من 20 إلى 25 غ نرمدوها في بياض البيض ثم الكاوكاو المرحي متوسط ثم نضعها في لي كيسات ثم في صينية الفرن، نطيبو الحلويات تاعنا على 150 درجة مئوية

عند خروج الحلويات من الفرن مباشرة نسقو كل حبة بملعقة عسل، طبعاً لازم الحلوة تكون سخون والعسل بارد ، إذا كانو في زوج سخونين راح تتعجن الحلوة

التزيين كيما اي مثل تلاحظو في الصورة خطوط رقيقة من الشوكولاته وتلصقو حبات ذهبية

الفكرة فهاد الوصفة كيما اي مثل تلاحظو هي انو نقدرو نخدمو حلويات سهلة وماتكلفش و راقية وبكميات مليحة في نفس الوقت لافراحنا ومناسباتنا وهذا بتزيين بسيط فقط يعطيها منظر جميل وربي يدوم الفرحة في بيوتكم 😘