في قصعة نحط الزبدة والسكر ونحركهم مليح حتى يذوب السكر ونضيف البيض وقرصة الملح ونحرك مليح نكمل النشاء و الخميرة ونلم بالفرينة حتى نتحصل على عجينة متماسكة.

على طاولة العمل نحط العجينة ونفتحها رقيقة شوي ونطبع بطابع القلب ونحط في البلا وندخلوا للفرن لمدة 15د.حتى يستوي وتخليه يبرد.

نأخذ كل زوج حبات ونلصقهم بالكونفتير.

وعلى جهة كنت ذوبت الشوكولاتة البيضاء على حمام مائي دون أي اضافات.

في مول السيليكون نضع قليل من الشوكولاته البيضاء حتى يتعمر الموتيف تاعنا وندخلوا في الثلاجة حتى يبرد ثم نحيه من المول حتى نتحصلو على الكمية الى نحتاجوها.

نأخذ حبة الصابلي ونغلفها كامل بالشوكولاتة البيضاء ونحطها تنشف.وبعد نلصق الموتيف بقليل من الشوكولاتة البيضاء.