نطلع بيض وسكر مليح بالباتور حتى يتكاثف الخليط نضيف زيت ونخلط ونزيد حليب وفانيلا ونخلط ونزيد فرينة (طحين او دقيق) مخمارة مغربلين نلم لعجينة تكون تلصق في اليد

نقسم العجينة نقص منها ربع و3 ارباع نجيب بلاطو يدخل للفرن ونحط فيه وورق الزبدة ونحط لعجينة الكبيرة وندير يدي في زيت ونخبزها على حساب بلاطو نثقبها ونحط فوقها معجون البرتقال ونجيب لعجينة لخليتها ونضيفلها لفرينة حتى تولي يابسة نخدمها مليخ ونجيب سكرفاج ونكرفج لعجينة فوق المعجون حتى نغطي كامل المعجون ندخلها للفرن يكون ساخن حتى تاخذ اللون الذهبي نخليها تبرد نقلعلها لحواشي ونقطعها مربعات

مقادير معجون برتقال 2 حبات برتقال وحبة ليمون نديرهم فالكونجيلاتو كي يتكونجلاو نرابيهم ونعبرهم ونضيفلهم عبر ماء وعبر سكر نحطهم فوق نار كي يطيبو رحيهم