من البدايه اقول لكم الدجاج المفروم اخذته من الوالده الله يحفظها عطيتني اياه (اتوقع الباقي من حشوه السمبوسة) ما علينا عاد انتم سوو الحشوة اللي تحبونها تونه ، لحم ، دجاج ، صدور دجاج اللي يعجبك

اول شيء تسوينه طلعي صينيه (ترى صينيتي صغيره مو كبيره) و صفي توست مقطع الاطراف و لا تخلين بينهم مسافه

حطي الحشوة فوق التوست

صفي توست ثاني مقطع الاطراف فوق الحشوة

لا خلصتي تصفصف اخذي لك قدر و حطي فيه القشطة و الجبن و المايونيز و خلطيهم زين لين يذوبون على نار قصيرة شويه و اضيفي الفلفل و الملح عشان يعطيك نكهه و لا ذاب زين صبيهم فوق توست

تغشيشه بسيطه ترى الصوص طلع شوي بالنسبه لي كان ودي اغرق الصينية اكثر فخليك اشطر مني و دبلي الصوص شوي

دخليه الفرن من فوق بس (لا تشغلين الفرن من تحت و يحترق كل اللي سويناه و تتوهقين بطبختك) و خليه لين يحمر و يتبقبق جعل ما يتبقبق غيره 🥺♥️.

طلعيه من الفرن لا خلص و خليه على الطاوله شوي بعدين قدميه و بالف عافيك 🌝♥️.