بان سويس - بريوش رولي ☕️🍫☕️🍫
الخطوات
- 1
✨في إناء نحط السكر، البيض،الزيت ونخلط بالفووي ونزيد الحليب الدافي مع خميرة الخبز، مبشور ليمونة والفانيليا ونبدا نضيف الفرينة والخميرة الكيميائية ورشة الملح حتى نحصل على عجينة طرية.(الفرينة راح تكون حوالي 4 كيسان ونصف)
- 2
✨نضيف العجينة ملعقة ونصف زبدة (مارڨرين) ونبدا ندخلها ونعجنها حوالي 10د
- 3
✨نغطي العجينة ونخليها تختمر حتى يتضاعف حجمها.
- 4
✨نقسم العجينة إلى قسمين ونبدا نحل القسم الاول على شكل مربع 40سم على 40سم.
- 5
✨ندهن كامل العجينة بزبدة تكون طرية.
- 6
✨نرش عليها السكر وبعدها نوزع كامل على العجينة حبيبات الشوكولا (او شوكولا مقطعة صغيرة).
- 7
✨نبدا نرولي في العجينة بلا مانضغط عليها نترك قليل من الهواء (يساعد البريوش لكي يتنفخ) ونكمل نرولي.
- 8
✨بواسطة خيط نقطع قطع حوالي سمك كل وحدة3سم.
- 9
✨نكمل نقطع كل الحربوش بنفس الطريقة. نحطهم في سينية تدخل للفرن ندهنهم بصفار بيضة مع شويا حليب ونخليهم يخمروحوالي 15د.
- 10
✨كي يخمرو وندخلهم للفرن على درجة حرارة 180د
- 11
✨وهوما سخونين ندهنهم بلاجولي.
- 12
✨نقدموهم بالصحة والهنا.
وصفات مشابهة
-
-
احلى بان كيك بالنوتيلا 🍫😻 احلى بان كيك بالنوتيلا 🍫😻
#عيد_الاضحىبان كيك هش ولذيذ ❤😘🌹
-
كاسات حلو السميد بالمالتيزرز وطعم القهوة ☕️ كاسات حلو السميد بالمالتيزرز وطعم القهوة ☕️
لذيذة بشكل انصحكم تجربوها
-
-
-
🍫 طريقة عمل الكريب 🍫❤️ 🍫 طريقة عمل الكريب 🍫❤️
#وصفات_بالشكولاتة مكو إلذ من طعمة جربوا 🤤
-
-
وصفات ننصحك بمشاهدتها
التعليقات (42)