نفرم الخضروات مع بعض باليد أو في محضرة الطعام للسهولة عدا الطماطم نفرمها باليد لأن محضرة الطعام راح تهرس الطماطم وهذا خطأ، لازم تبقى الطماطم مكعبات صغيرة.

بعدها نغسل الرز ونضيفه بماعون مع المكونات الي قطعناها سابقا

ملاحظة: راح نشوف ماء بماعون المكونات، لا تصفوه بقوه لأن يسوي لذة داخل حشو الدولمة وبعدين من تخلصون كل الحشوة الماء تصفونه وتستخدموه بالطبخ مع الصوص

بعد ما نلف ورق العنب كله، إذا عدنا فلفل بارد (فلفل رومي) أيضا نحشيه، أو طماطم نفرغ اللب مالتها ونحشيها، أو بصل نفوره ونأخذ فقط القشور الاولى نحشيها.

و حتى نحافظ على النعمة، البصل الي استخدمناه باللف يعني اللب الباقي منه هو الي نفرمة ونخليه بالحشوة.

نخلي دهن زيت بكعبية القدر، و نضيف ضلوع لحم الغنم، و الي ما يحبه لا يضيف براحته أنا هالمرة ما ضفته.

بعدها نرص الدولمة على شكل دائري حتى من نقلبها بعدين ما يخرب الشكل

نخليها على نار عالية لمدة 5 دقائق لحتى نشتم رائحة حرق بالنسبة للناس الي يحبوها ملچوعة أو محترقة.

وبعدها نضيف الصوص الي سويناه من قبل ونخلي ثقل على الدولمة ونغطيها

تبقى على النار لمدة ساعة تقريبا وراح تكون جاهزة. و الف عافية

ملاحظة: في ناس تحبها حلوة، لذلك نضيف نصف كيلو سكر على المكونات، و الي يحبها مالحة نضيف فقط ملح، و الي يحبها مشكل يضيف من كل شيء قليل، يعني سكر ربع كيلو، عصير ليمون ودبس الرمان + ملح وتطلع ولا أطيب. الي سويتها حامض حلو، خليت كأس سكر مع الحشوة ونصف كوب دبس الرمان مع كوبين ماء، و 3 ملاعق كاتشب وضفتهم على الدولمة وخليتها تفور لحد ما نشف الماء وهدرتها على نار متوسطة.