أول شي نغسل العدس ونضع عليه المي يغمره وأكتر شوي ونحضر بصل صغير (يلي منستعملو للشوي)نقشر البصلات بدون ماناخد من رأسها كتير من شان ماتفرط ونضعها مع العدس داخل المي لتنسلق مع العدس

نغسل البرغل وبدون نقع بس يستوي العدس نضع الملح حسب الرغبة وملعقة كمون ناعم ننزل عليه البرغل ونتركه ليغلي وبس تنشف المي منخفض النار تحت الطنجرة ومنخليها على نار هادية

كمان منكون مجهزين تقريبا تلات بصلات مقطعين جوانح ونرش عليه ملعقة طحين ونضع في القلاية زيت زيتون ونقلب البصل فيه حتى يصبح لونها اشقر نصفي الزيت عنه ونضع الزيت فوق المجدرة ونقلبها وبس تستوي المجدرة نسكبها ونزينها بالبصل المقلي وجنبا سلطة خضار أو لبن أو مخلل حسب مابتحبو

ملاحظة البصل المسلوق مع العدس كتير بيطلع لذيذ وملعقة الطحين يلي نضعها عالبصل المقطع لتعطي البصل قرشة ومابتخليه يدبل وصحة وهنا دعواتكم 😙😙