بنقع الرز ساعة

بحفر البادنجان بعدها بغسلو وبحطو بمصفاي ليصفي المي منو

والفليفلة بس اشيل القمع تبعها وبغسها وبحشيها

وبغسل الرز وبصفيه وبضيف فوقه اللحمة والبقدونس يلي فرمته والملح والبهار والنعنع ومعلقتين زيت زيتون او زيت عادي

وبعدها بحشي كل بادنجانة بالخلطة للنص وبسكر تمها بقطعة بندورة

بعدها بغسل العصاعيص وبحطهن بالطنجرة وبصف البادنجانات فوقهن وبس خلصو بتقل فوقهن بصحنين او بتقالة خاصة للمحاشي

بعدها بضيف المي ليغمرهن وبضيف نص كوب معجون طماطم

بس بلش يغلي بضيف التوم المدقوق والنعنع ورشة بهار وبظبط ملحو وحمضو وبستنى ليستوي بياخد ساعة ونص على النار

وصحتين وهنا