ننقي البرغل والجريش نغسلهم غسله خفيفه ونعصرهم من المي نرش رشة مي ونتركهم ينقعوا ونتبلهم بالملح والفلفل الاسود والكمون.

نلاحظ العجين اذا احتاج مي نضيف شوي بس منكثر نريد نحصل على عجينه سهلة التشكيل.

نفرم العجين مرتين بماكنة اللحم حتى نحصل على عجينه ناعمه.

نكون محضرين الحشو قبل ومبرديه نحمر البصل بالسمنه ونضيف اللحم ونقلب حتى يتغير اللون نتبله بالملح والفلفل الاسود وبهارات اللحم نغطيه ونتركهم ينطبخوا حتى ينشف الحشو من اي سوائل.

بعد ميبرد الحشو تماما نعمل كرات من عجين الكبه ونفتحها خفيف ونحشيها بكمية وفيره من اللحم ونحكم اغلاقها بحيث تصبح مثل الكره.

متحتاج نفتحها بعد منحشيها لان احنه فتحناها بالبدايه بشكل رقيق نكمل باقي المقدار.

نكون محضرين الصوص الي راح نسلق فيه الكبه، نحمر بصله صغيره بشوية زيت ثم نضيف صوص الطماطم المصفى مع المعجون والمي ومكعب الماجي والملح والفلفل الاسود ونتركهم يغلو.

بس يغلي الصوص نضيف كبشة شعريه ونحرك ونتركها تغلي ثم نسقط الكبه فيه ولازم يكون القدر واسع حتى متلتصق الكبه مع بعض ونتركهم ينطبخوا.

بس تثخن الصوص وتطفوا الكبه على السطح خلاص نطفي النار وتقدم.