في إناء نضع الحليب '+الزيت ونحرك بالفوي نضيف خميرة الخبز والسكر ونخلط +البيضة ونخلط ثم نضيف القليل من الفرينة (طحين) مع خميرة الحلويات +الملح.

نبقى نضيف في الفرينة (طحين) تدريجيا حتى نتحصل على عجينة طرية نغطيها بكيس بلاستيكي ونتركها حتى يضاعف حجمها

نهبطلها لخمور ونقسمها إلى 6كويرات بالإستعانة بالفرينة نحل الكويرة الأولى على شكل دائرة بسمك متوسط وندهنا بزبدة التوريق أو المارغرين ذايبة. ونحط فوقها كرة أخرى كنا حليناها ونزيد ندهنها ونكمل هكذا حتى نكمل كل الكرات لكن الأخيرة مندهنهاش.

ونحل جميع الكرات مرة واحدة على شكل دائرة كبيرة ندهنها بالزبدة ونرش عليها السكر من الأفضل البني ونزيد الشوكولاتةأنا استعملت فرميسال ونرولي العجينة

في هدا الوقت نسخن الفرن على درجة حرارة 180 درجة وندهنهم بالبيض وندخلهم يطيبو من تحت ثم نشعل عليهم من فوق,بعدما يخرجو مباشرة ندهنوهم بالمعجون. أنا خرجولي 12حبة