التعليقات على وصفة
محلبي بالفراولة والبرتقال
ام ياسر الأسدي @cook_4640466
بلعافيه روعه اختي ممكن اذااتعرفين طريقه عمل شوربه السبع اشكال ممكن اتعلميني
ام احمد @cook_4116047
تتدللين حبيبتي تاخذين مقادير متساوية من فاصوليا وحمص وباقلاء وعدس وبزاليا وماش وتمن طبعا كلهن يابسات تنقعيهن بماء فاتر ماعدا العدس والتمن يبقن منقعات تقريبا ست ساعات بس خلي ابالج يعني اذا كوب من كلشي راح يطلع عندج هوااي وزعي على الجيران ههههه بالنسبة الي عائلتي صغيرة ف كوب من كلشي يسوي قدر كبير اوزع منه المهم مقاديرهن تكون متساوية نجي لطريقة الطبخ اذا حابة تضيفين لحم فتجيبين لحم مقطعته قطع صغيرة وياه بصل اذا مقاديرك على الكوب فد راسين بصل المهم تحطين اللحم المقطع ويا البصل المفروم وتحمسيه ويا زيت لحد مايشقر وتضيفيله البقوليات المنقعتهن والتمن وياهن وتضيفين ماي وتخليه يسلق برااااحته المهم كل ربع ساعه حركيه حتى لايلصق بقاعدة القدر ياخذ وقت ساعتين علما يستوي تقريبا بالنص ساعه الاخير ضيفي العدس وياه وحركيه من تشوفيه استوى كله ضيفيله ملح وفلفل اسود حسب الرغبة والف عافية
ام احمد @cook_4116047
واذا متريدين لحم وياه عادي بس حمسي البصل وضيفي باقي المواد واكو يحبون السبيناغ وياه يضيف نكهة للتنويع حمسيه ويا البصل بلبدايه اذا تحبين والماء اذا حسيتيه نقص اثناء الطهو ضيفيله المهم مو ماء بارد كون ماء يغلي وكل ربع ساعه حركيه بمس لاتلصق المواد بقاعدة القدر وعافيات مقدما
