اول شي صبايا منحط الكوارع بني باردة لمدة ربع ساعة وبعدين منشيلهم ومنغسلهم ومنحطهم بنقعة الخل وقشر الليمون والسكر ونحط غمرهم مي مدة ساعة ما اكتر وبهي الفترة منظف الكوارع منشيل بالسكين الشعر اذا كان موجود و منفتح القدم من النص بكون في كيس شعر كمان منشيلو ومنرجع الكوارع عالنقعة

بعد ما نخلص جلي الكوارع بالصابون منحطهم تحت المي ومنغسلهم كتير منيح من الصابون رح تشوفوا بياض بيشهي

منصفي الكوارع منيح وبعدا منشلوطهم او منحرقهم عالغاز حتى إذا في شعر ناعم أو وبر كله بروح وحتى طعمة الشوي هي رح تعطي نكهة لذيذي بعد السلق