بخلط الحليب البودرة مع المي وبغليهم ع الغاز لحتى يغلو مع التحريك المستمر ،بطفي الغاز بعد الغليان وبتركه يدفى ما بدي اياه لا بارد ولا ساخن يكون دافي اني اقدر احط اصبعي فيه اتحمله ،بعدها بضيف اللبن وبحركه منيح وبصفيه باكواب او اي شي وبسكره وبغطيه كتير منيح بحرامات مشان يضل دافي وبتركه تقريبا من ٨ ل عشر ساعات برة التلاجه ،بعد العشر ساعات بحطه بالتلاجه لحتى يبرد..

ولا يعلى على اللبنه لبيتيه 😋👌 الشكل بيحكي والطعم سوبر يمييي 😋👌👌👌 مع تحميص الخبز وكاسه شاي يا سلام

هلا لتجهيز اللبنه بطلع اللبن اللي عملته وبرشه بملح وبحركه منيح وبحطه في كيس قماش وبربطه منيح وبعلقه على ايد خزانه المطبخ وبحط تحته مصفايه، وبتركه لتاني يوم او حسب ما بدي جمد اللبنه ،اذا تاكدت انه امورها تمام اذا كانت لزجه وطريه برجع بسكر عليها وبتركها كمان وقت زياده اذا امورها تمام باخد اللبنه قطع صغيرة وبكورها وبحطها بمرتبان فيه زيت زيتون وصحتين والف هنا.

#لبنه#بيتيه#صنع#منزلي#طهاه#طهاه-العرب