بخلاط الكيك نخلط البيض والحليب والطحين والزيت وخليط الكيك ونخلط لمدة ٥ دقايق حتى يصبح كريمي

نجيب ٤ صواني مقاس ٦ إنش وندهنها بالزيت ونحط فيها ورق زبدة

نقسم خليط الكيك لأربع أقسام بالتساوي كل قسم كوب وربع جزئين نخليها أبيض ساده وجزئين نحط عليها ربع كوب فستق مطحون وشوي ملون طعام أخضر وندخلها الفرن على حرارة ١٨٠ لمدة ٢٠ _ ٢٥ دقيقة

بعد ماتطلع من الفرن نتركها تبرد ونشربها بشوي حليب ونغلفها بنايلون وندخلها الثلاجة تبرد تماماً بعدين نقص القبه الزايده ويصبح السطح مسطح

بخلاط الكيك حطي كوب ونص كريمه خفق بارده جداً ونخفق على اعلى سرعه لمدة ٥ دقايق نخليها بيضاء ساده ونحطها بالقمع

بنفس الطريقة نسوي الجزء الثاني ونحط عليها ملون طعام أخضر ونحطها بقمع ثاني

نحط شوي كريمه ثم طبقة كيك أبيض ثم نحط فوقه طبقة كريمه بيضاء ثم نحط طبقة الكيك الأخضر ونحط فوقه كريمه خضراء ونساوي السطح ونسوي كذا مع باقي الطبقات أخر شي نحط كريمه باللون الأخضر وزينت بورد جوري أبيض وأخضر مع أوراق الورد

وبالعافية 💚