نفرم البصل صغير وبطنجرة بنذبله مع الزيت واذا بدي بحط الفلفل الحار معه

بضيف اللحمة وبتركها تستوي، وبس تستوي بحط ملح وفلفل اسود

بقطع البندورة مربعات كبيرة عادي مهي بتذوب وبصير انزلها شوي شوي واحرك مع اللحمة، كله على نار عالية والطنجرة مغطية لتتعقد البندورة وتنزل ميتها وبنزل الثوم بقطعه دوائر، واذا شفتها بدها ماء بحط كاسة وعالأغلب بتحتاج فبحطه وبملحها وبعدله، وكمان اذا كانت البندورة لونها مو احمر ممكن احط ملعقة صلصة عشان اللون وبتركها تغلي منيح وبعديها بطفي الغاز وبغطي الطنجرة بخليها تكمل لحالها

ممكن تتاكل مع خبز تغميس، بس انا هاي اللي بلحمة بحبها مع رز ابيض عشان هيك بحبها سائلة وصحة وعافية