بالبدايه رح أضيف الزبده والزيت النباتي (بتقدرو تخلطو زبده مع زيت او سمنه حسب المتوفر عندكم) ثم نضيف السكر بالخفاقه الكهربائيه او بالعجانه نخفق لحتى يصير لونهم فاتح

ثم نضيف البيض بالتدريج بيضه بيضه مع الاستمرار بالخفق ثم نضيف الفانيلا مع استمرار الخفق

رح أضيف المواد الجافه بالتدريج ورح أضيف القسم الأول من الطحين مع البيكنج باودر ورشه من الملح ورح اخفقهم منيح لحتى يتوزع البيكنج باودر منيح وبعديها بنزل باقي الطحين واعجنهم على الخفيف بأيدي ولما يصير القوام متماسك وطري رح تكون العجينه جاهزه

باخذ قسم منها تقريبا ربع العجينه وبحطها بالفريزر

الباقي رح افرده بصينيه البايركس مدهونه بالزيت ولازم ارفعها شوي على الحواف
بفردها منيح ورح اثقبها بالشوكه حتى ما تنتفخ وهي موجوده بالفرن

ورح أضيف مربى الفراوله او اي مربى متوفر
انا فردت قسم من مربى الفروله والقسم الثاني من مربى البرتقال بنفس البايركس
(وممكن ما يكون متوفر المربى ابشرو حبتين من التفاح واطبخوهم شوي ع النار بضيف عليهم رشه من السكر ورشه من القرفه بتطلع أكثير طيبه)

بناخذ جزأ العجينه الي بالفريزر بنبرشه على كل البايركس

بدخل البايركس على فرن محمى مسبقا على الرف الأوسط من الفرن ليصير ع الأطراف لون ذهبي رح احمر الوجه بتركها بالفرن شوي حتى تبرد
للتزيين برش رشه من السكر البودره على الوجه

وصحتين وعوافي