نذوب الشوكولاتة في حمام مريم بدون اي إضافات ثم ندير مغرفة ونص في مول ونمشيها مليح ونزيد نفس الخطوة في المول الثاني ثم نسويها مليح ونديرهم فلفريڨو حتى يجمدو

في إناء ندير الكنافة ونضيفلها الكريمة المفضلة عندك نخلطهم مليح ونجيب الشوكولاتة الجامدة وندير نص للمول الاول ونص للمول الثاني ونقسم الشوكولاتة اللي بقات على ليمول ونسويها مليح ونعاود نديرها فلفريڨو حتى تجمد ثم نجبدها انا درت بذوقين ذوق البندق وذوق البيستاش وبالصحة والعافية للجميع.