في البدايه رح أضيف كوبين من الطحين وملعقتين السكر والخميره بنحركهم ثم نضيف كوبين الماء يكون دافي نخلط المكونات جيداً حتى تمتزج وما يكون فيها أي تكتلات بنغطيها وبنتركها ١٠ دقائق

بعد مرور ١٠ دقائق نلاحظ ظهرت فقاعات على العجينة ثم نكمل باقي المكونات

نضيف نصف كوب زيت ولبن الزبادي ثم الملح نخلط المكونات بعد هيك نضيف باقي الطحين ٣ اكواب بالتدريج مع الخلط بالخفاقه اليدويه
وبعدين بستعمل اي نا حتى نكمل باقي العجين
ملاحظة يمكن نحتاج نكمل طحين او ما نحتاج حسب نوع الطحين حتى تصبح العجينة متماسكه بنغطيها ونتركها ترتاح نص ساعة
او نشتغل فيها على طول

بنحضر للحشوه
نسخن مقلاه على النار ثم نضيف اللحم نص كيلو ثم نضيف ورقه غار على اللحم بنحركهم وبنتركه حتى تخرج السوائل عشان نضيف باقي المكونات

بعد مرور ٥ دقائق اللحم تغير لونه وخرجت السوائل نضيف بصلة متوسطة الحجم مفرومة ثم رشة ملح وفلفل اسود وبهارات مشكله او ٧ بهارات او اي بهار بتحبوه نخلط البصل مع اللحم وبنتركه على نار متوسطة حتى يذبل البصل

ثم نضيف فليفله ملونه مفرومة وحبه فلفل حار حسب الرغبة وحبه بندوره مفرومة ناعم بترك الخليط على النار أكثر من المتوسطه بقليل حتى تتسبك معنا وتصبح جاهزة للحشي رح أضيف ملعقتين كبار دبس رمان ونخلطها وهذا اختياري

نقطع العجينة نصين ثم نعملها رول ونقطعها ثم نكورها إلى كرات متوسطة الحجم ثم نغطيها ١٠ دقائق حتى ترتاح

رح نشكل العجينة نفتحها بشكل دائري ثم نضيف اللحم بالوسط وقليل من الجبنة ثم بنسكر ها بالشكل الي بدنا ياه نضع الحبات بالصينيه
ثم بدهن وجه كل حبةبيضة مع ملعقة صغيرة ماء نخلطها جيداً حتى ندهن بها حبات الفطائر بالفرشاه حتى تاخذ لون ذهبي عند الخبز نرش سمسم وقزحه وهذا اختياري

توضع الصينية بفرن محمى مسبقا على الرف الي بالوسط على حراره ٢٣٠ حتى تنضج كليا
وصحتين وعوافي